28.04.2025 | 19:36
Թրամփը պահանջում է մշտական, այլ ոչ թե ժամանակավոր հրադադար Ուկրաինայում. Սպիտակ տուն
Զանգվածային կազմակերպված վարչական ռեսուրսի օգտագործում չի եղել․ Սաքունց․ ՏԵՍԱՆՅՈՒԹ
Քաղաքականություն
06.12.2021 | 16:01
«Անկախ դիտորդ»-ն ամփոփում է դեկտեմբերի 5-ի ՏԻՄ ընտրությունների դիտարկման արդյունքները:
«Առանձին դեպքերում վարչական ռեսուրս փորձել են կիրառել, բայց ահազանգեր չունենք, որ, օրինակ, հիմնարկ ձեռնարկությունների տնօրենները հրահանգեն կոնկրետ թեկնածուի օգտին քվեարկել կամ ցուցակագրեն: Չկան նման երևույթներ: Մենք ահազանգեր չենք ստացել նաև կաշառքի դեպքերի վերաբերյալ»,- լրագրողների հետ հանդիպմանն այս մասին նշեց իրավապաշտպան Արթուր Սաքունցը:
Նա հավելեց, որ արձանագրվել են ընտրողների ուղղորդման դեպքեր առանձին բնակավայրերում, բայց դա, որպես երևույթ, 1 միլոին 200 ընտրազանգված պարունակող ընտրություններում, չի եղել:
«Մենք վարչական ռեսուրսի չարաշահում ենք համարում այն, որ համայնքի ռեսուրսներն օգտագործվում են ընտրությունների պահին՝ սոցիալական աջակցություն տրամադրելու համար: Վարչական ռեսուրսի շրջանակը և բովանդակությունը արմատապես փոխված է և անհամեմատելի է նախկինում արձանագրված երևույթների հետ, երբ գործատուների կողմից ճնշումներ էին բանեցվում, ստիպում էին մասնակցել ընտրություններին և անպայման կոնկրետ թեկնածուի օգտին քվեարկել:
Մանրամասները՝ տեսանյութում:
