19.11.2024 | 23:29
Ադրբեջանի Մեջլիսի պատգամավորը Ֆրանսիային է մեղադրել COP29-ի ընթացում ադրբեջանցիների կողմից բողոքի ակցիաների անցկացման համար
Սահմանազատման և սահմանագծման վերաբերյալ հայտարարության նախագիծը ԱԺ հանձնաժողովը կքննարկի փակ ռեժիմով․ ՏԵՍԱՆՅՈՒԹ
Քաղաքականություն
06.12.2021 | 14:54
Մեկնարկել է ԱԺ արտաքին հարաբերությունների մշտական հանձնաժողովի արտահերթ նիստը:
Օրակարգում ներառված է սահմանազատման և սահմանազատման հիմնախնդիրների մասին «Հայաստան» խմբակցության կողմից առաջարկվող հայտարարության նախագծի ընդունման հարցը:
«Հաշվի առնելով, որ առաջարկվող հայտարարության նախագիծն իր բովանդակությամբ առավելապես ներքաղաքական է, պարունակում է կառավարության հասցեին ուղիղ կամ անուղղակի անհիմն մեղադրանքներ և, ըստ էության, հանդիսանում է գործող ընդդիմության ներքաղաքական խոսույթի արտացոլումը, ուստի դա բավարար է, որ ՔՊ ներկայացուցիչները այդ նախագծին դեմ քվեարկեն: Միևնույն ժամանակ հաշվի առնելով նախագծում տեղ գտած մի շարք զգայուն հարցերի առկայությունը, որոնց հրապարակային քննարկումը կարող է խոչընդոտել բանակցային գործընթացը և առաջացնել անվտանգային հարցեր, առաջարկում եմ սույն հարցի քննարկումը անցկացնել փակ ձևաչափով»,- նշեց ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը:
Հարցը դրվեց քվեարկության. սահմանազատման և սահմանագծման վերաբերյալ հայտարարության նախագիծը ԱԺ հանձնաժողովը կքննարկի փակ ռեժիմով:
Մանրամասները տեսանյութում:
