17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Մինսկն անհայտ պատճառներով չեղարկել է ապօրինի ներգաղթյալների տարհանման չվերթները
Քաղաքականություն
06.12.2021 | 15:36
Անհայտ պատճառով Մինսկը չեղարկել է իրաքցի ներգաղթյալների տարհանման համար նախատեսված թռիչքները, հայտնում է «Սպուտնիկը»։
Ըստ չվացուցակի՝ «Iraqi Airways» ընկերության Boeing 737-800 ինքնաթիռը Բելառուսի մայրաքաղաքից Բաղդադ պետք է թռչեր ժամը 14:30-ին։ Այնուամենայնիվ, չվացուցակում թռիչքի մասին որևէ տեղեկատվություն չկա: Առաջիկա երկու օրերի չվացուցակում ևս Iraqi Airways-ի տարհանման թռիչքներ նախատեսված չեն։
Հավելենք, որ վերջին անգամ ապօրինի ներգաղթյալների տարհանման համար ինքնաթիռ են տրամադրել շաբաթ, երբ 419 իրաքցիներ վերադարձել են հայրենիք։ Բելառուսա-լեհական սահմանով Եվրոպա թափանցելու անհաջող փորձից հետո ինքնաթիռով վերադարձած միգրանտների ընդհանուր թիվը գերազանցել է 2,7 հազարը։
Տաթև Ֆռանգյան
