18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Չինաստանից Վրաստանի ուղղությամբ մեկնել է առաջին կանոնավոր բեռնատար գնացքը
Քաղաքականություն
05.12.2021 | 15:23
Գանսու նահանգի Ուվեյ քաղաքից Վրաստանի ուղությամբ մեկնել է առաջին կանոնավոր երկաթուղային-կոնտեյներային գնացքը։ Բեռնատար գնացքի վերջնական նպատակակետը Թբիլիսին է, որտեղ բեռները կհասնեն 10-12 օրից։ Տեղեկությունը տարածում է Արտաքին գործերի նախարարությունը, փոխանցում է Վրաստանի առաջին ալիքը։
ԱԳ նախարարությունից հայտնում են, որ նշված երկաթուղային-կոնտեյներային փոխադրումները կանոնավոր կլինեն ինչպես Վրաստանի, այնպես էլ եվրոպական այլ երկրների ուղղությամբ։
Վրաստանի ուղղությամբ առաջին բեռնատար գնացքի մեկնման արարողությանը ներկա է գտնվել Չինաստանում Վրաստանի արտակարգ և լիազոր դեսպան Արչիլ Կալանդիան և խոսքով դիմել է ներկաներինին:
Դեսպանն ընդգծել է ծրագրի ռազմավարական նշանակությունը, որը կնպաստի Անդրկասպյան միջազգային տրանսպորտային միջանցքի զարգացմանը և Վրաստանի դիրքավորմանը՝ որպես տարածաշրջանային առևտրի, տրանսպորտային և լոգիստիկ հանգույց:
Իր հերթին Գանսու նահանգի փոխնահանգապետը նշել է Վրաստանի դերի աճը «Գոտի և ճանապարհ» գլոբալ նախաձեռնությունում, որին նպաստում է նմանատիպ նախագծերի իրականացումը։
Միջոցառմանը ներկա էին նաև Գավառի իշխող կուսակցության գլխավոր քարտուղարը, Ուվեյի քաղաքապետը և այլ պատվավոր հյուրեր։
