30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Սեբաստիան Կուրցին Ավստրիայի ժողովրդական կուսակցության առաջնորդի պաշտոնում փոխարինել է Նեհամերը
Քաղաքականություն
03.12.2021 | 19:43
Ավստրիայի ներքին գործերի նախարար Կառլ Նեհամերը Ավստրիայի ժողովրդական կուսակցության նախագահի պաշտոնում փոխարինել է Սեբաստիան Կուրցին։ Այժմ նա իշխող կոալիցիայի թեկնածուն է կանցլերի պաշտոնի համար, որը թափուր է մնացել կառավարության ժամանակավոր ղեկավար Ալեքսանդր Շալենբերգի հրաժարականից հետո, գրում է euronews-ը։
Նեհամերը շնորհակալություն է հայտնել Կուրցին՝ իր թեկնածությանը սատարելու համար և հայտարարել կուսակցության ազդեցությունը պահպանելու ցանկության մասին։
«Կուսակցության նոր ղեկավար ընտրվելուց հետո ինձ համար կարևոր է, որ մենք հստակ հավատարիմ մնանք մեր դիրքորոշումներին։ Մենք պետք է հստակ հասկանանք, թե ինչն է կարևոր երկրի համար միգրացիայի և փախստականների, Ավստրիայի բնակիչների անվտանգության առումով։ Ժողովրդավարական կուսակցության երեք հիմնական սկզբունքներն ինձ համար կարևոր են, և դրանք առանձնահատուկ նշանակություն են ձեռք բերել ներկա պահին։ Սա պատասխանատվություն է, համերաշխություն և ազատություն»,- ասել է նա:
Ավստրիայի ժողովրդական կուսակցությունում և կառավարությունում վերադասավորումներ էին հայտարարվել նախօրեին։ Ալեքսանդր Շալենբերգը լքել է կանցլերի պաշտոնը՝ բացատրելով, որ նախարարների կաբինետի և իշխող կուսակցության ղեկավարությունը պետք է կենտրոնացված լինի մի ձեռքում։
Իր հերթին, այժմ կուսակցության նախկին առաջնորդ Սեբաստիան Կուրցը հայտարարել է քաղաքականությունից հեռանալու մասին՝ հանուն ընտանիքի՝ նորածին որդուն ավելի շատ ժամանակ տրամադրելու համար։ Նա հոկտեմբերին հրաժարական տվեց կանցլերի պաշտոնից՝ կոռուպցիոն քրեական գործի պատճառով։
Տաթև Ֆռանգյան
