16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱՀԿ-ն դեռևս չունի կորոնավիրուսի նոր՝ «oմիկրոն» շտամի պատճառով մահվան դեպքերի վերաբերյալ տվյալներ
Քաղաքականություն
03.12.2021 | 19:10
Առողջապահության համաշխարհային կազմակերպությունը (ԱՀԿ) դեռևս չունի կորոնավիրուսային նոր՝ «օմիկրոն» շտամի պատճառով մահվան դեպքերի վերաբերյալ տվյալներ։ Այս մասին ուրբաթ տեղի ունեցած ճեպազրույցի ժամանակ հայտնել է ԱՀԿ խոսնակ Քրիստիան Լինդմայերը, գրում է ՌԻԱ Նովոստին։
«Ես դեռ չեմ տեսել արձանագրություններ մահվան դեպքերի մասին, որոնք կապված կլինեն «օմիկրոն» շտամի հետ: Բայց մենք վկայություններ ենք հավաքում, և դրանք ավելի շատ կլինեն, քանի որ շատ երկրներ են թեստավորում մարդկանց և հետևում վիրուսի տարածմանը: Այնպես որ՝ մենք ավելի շատ տեղեկություն կունենանք, բայց հուսով եմ՝ ոչ մահեր»,- ասել է ԱՀԿ ներկայացուցիչը:
Նրա խոսքով՝ նոր շտամի վերաբերյալ ավելի ճշգրիտ տվյալներ կհայտնվեն մի քանի շաբաթից։
Մինչ այժմ նախնական ուսումնասիրությունները ցույց են տալիս միայն, որ «օմիկրոնը» կարող է ավելի վարակիչ լինել, քան COVID-19-ի բոլոր նախորդ տարբերակները։
Տաթև Ֆռանգյան
