03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Այլևս չենք ունենալու հաշմանդամության 1-ին, 2-րդ կամ 3-րդ խումբ. փոխնախարար. ՏԵՍԱՆՅՈՒԹ
Հասարակություն
03.12.2021 | 15:06
2021թ. նոյեմբերի 30-ի դրությամբ՝ ունենք 196 849 հաշմանդամություն ունեցող քաղաքացի, որոնցից 9 191-ը երեխաներ են: Այս մասին այսօր հրավիրված ասուլիսում հայտնեց Աշխատանքի և սոցիալական հարցերի փոխնախարար Տաթևիկ Ստեփանյանը:
«Ներկայիս օրենսդրությամբ գոյություն ունեն հաշմանդամության առաջին, երկրորդ և երրորդ խմբեր: Առաջին խմբի հաշմանադմություն ունեցող անձանց թիվը կազմում է 9 639, երկրորդ խմբինը՝ 67 666, երրորդ խմբինը՝ 110 353: 145 հազար քաղաքացիների համար սահմանվել է անժամկետ հաշմանդամության խումբ»,- նշեց Ստեփանյանը:
«Փորձաքննել ենք պատերազմում վիրավորում ստացած 1962 անձի, որոնցից 1 468 ճանաչվել են հաշմանդամություն ունեցող անձ, նրանցից 113-ը առաջին խմբի հաշմանդամություն ունեն, 394-ը՝ երկրորդ խմբի, 981-ը՝ երրորդ խմբի: Գործող օրենսդրական կարգավորումով մենք վերափորձաքննություն ենք անցկացնելու, այս թվերը նվազման միտում ունեն, հատկապես երրորդ խմբի անձանց թիվը:
Հաշմանդամության կարգի տրամադրման գործընթացում նախարարությունը փոփոխությունների է գնացել՝ շեշտը դնելով հաշմանդամություն ունեցող անձանց կարիքների վրա:
Փոխնախարարի խոսքով՝ նոր օրենսդրական կարգավորումներով՝ այլևս չեն սահմանվի հաշմանդամության 1-ին, 2-րդ և 3-րդ խմբեր, սահմանվելու են ֆունկցիոնալության աստիճաններ՝ թույլ, միջին, ծանր և այլն, վերանայվելու է սոցաջակցության փաթեթը: Նոր կարգավորումն ուժի մեջ կմտնի 2023թ. փետրվարին:
Մանրամասները՝ տեսանյութում:
