22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Կրեմլից հայտնել են Ջո Բայդենի և Վլադիմիր Պուտինի բանակցությունների ձևաչափի մասին
Քաղաքականություն
03.12.2021 | 15:23
ԱՄՆ և ՌԴ նախագահներ Ջո Բայդենի և Վլադիմիր Պուտինի բանակցությունները կանցկացվեն տեսակոնֆերանսի ձևաչափով։ Հստակ ամսաթիվը դեռ համաձայնեցված չէ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է «Ինտերֆաքս»-ը։
«Ճշգրիտ ժամկետը դեռ համաձայնեցված չէ, աշխատանքներ են տարվում: Ինչ վերաբերում է ձևաչափին՝ խոսքը տեսակոնֆերանսի մասին է»,- ճեպազրույցում ասել է Պեսկովը։
Նա նաև խոսել է ապագա բանակցությունների կազմի մասին՝ դրանք կանցկացվեն դեմ առ դեմ, թե՞ պատվիրակությունների մասնակցությամբ։
«Հստակ պատկերացում դեռևս չկա։ Այս մանրամասները դեռ պետք է հաստատվեն»,- պատասխանել է Պեսկովը։
Հարցին՝ արդյո՞ք բանակցությունները կարող են կայանալ դեկտեմբերի 7-ին։
«Այս ամսաթիվը նույնպես քննարկվում է, բայց հայտնվում են նաև այլ ժամկետներ»,- ասել է Պեսկովը՝ հավելելով, որ բանակցությունները կարող են տեղի ունենալ հաջորդ շաբաթ կամ ավելի ուշ։
Տաթև Ֆռանգյան
