16.01.2025 | 14:53
Իսրայելը ՀԱՄԱՍ-ի հետ գործարքի համար պայման է առաջ քաշել
Բլինքենը ողջունել է ՀՀ-ի և Ադրբեջանի միջև ուղիղ շփումների վերսկսումը և կոչ արել առաջընթացի հասնել ռազմագերիների հարցում
Քաղաքականություն
02.12.2021 | 17:07
ԱՄՆ պետքարտուղար Էնթոնի Բլինքենը Ստոկհոլմում ԵԱՀԿ ԱԳ նախարարների խորհրդի նիստում ունեցած ելույթում անդրադարձել է նաև Լեռնային Ղարաբաղի հակամարտությանը։ Նա, մասնավորապես, ողջունել է Հայաստանի ու Ադրբեջանի կառավարությունների միջև ուղիղ շփումների վերսկսումը և կոչ արել երկխոսել հումանիտար հարցերում։
«Մենք ողջունում ենք Հայաստանի և Ադրբեջանի կառավարությունների միջև ուղիղ շփման վերականգնումը։ Մենք կոչ ենք անում կողմերին առաջընթացի հասնել հումանիտար հարցերում, ներառյալ՝ ռազմագերիների, ականազերծման, անհետ կորած անձանց, հետաքննել մարդու իրավունքների ու միջազգային հումանիտար իրավունքի խախտումները և մեղավորներին ենթարկել պատասխանատվության»,-ասել է Բլինքենը։
Նա հույս է հայտնել, որ նաև Ռուսաստանի հետ միասին կկարողանան աշխատել այդ ոլորտում՝ առաընթացի հասնելու համար։
Բացի այդ, ԱՄՆ պետքարտուղարը Հայաստանին և Ադրբեջանին կոչ է արել լուծել այլ կարևոր հարցերը ևս, մասնավորապես, սկսել «սահմանների դելիմիտացիա ու դեմարկացիա, վերականգնել տնտեսական ու տրանսպորտային հաղորդակցությունները, ինչպես նաև շարունակել համագործակցել ԵԱՀԿ Մինսկի խմբի համանախագահների հետ՝ Լեռնային Ղարաբաղի հակամարտության խաղաղ կարգավորման համար»։
Էմմա Չոբանյան
