11.10.2026 | 18:01
Տիգրան Բարսեղյանը` գոլի հեղինակ. ՏԵՍԱՆՅՈՒԹ
Թալիբները Իրանի հետ սահմանին կատաղի մարտերը սահմանային թյուրիմացություն են անվանել
Քաղաքականություն
02.12.2021 | 14:29
Երեկ Նիմրոզ նահանգում իրանցի սահմանապահների և Աֆղանստանի Իսլամական Էմիրության (ԱԻԷ) ուժերի միջև մարտերը սկսվել են «սահմանի թյուրիմացության» հետևանքով։ Այս մասին այսօր հայտնել են ԱԻԷ -ի պաշտոնյաները, գրում է EurAsia Daily-ն։
«Թալիբան»-ի խոսնակ Զաբիհուլլա Մուջահիդը խոստովանել է, որ նախօրեին բախում է տեղի ունեցել Նիմրոզ նահանգի Քանգի սահմանային շրջանում «աֆղանական և իրանական անվտանգության ուժերի միջև», սակայն այժմ իրավիճակը վերահսկվում է երկու կողմերի կողմից։ Նա հավելել է, որ ԱԻԷ-ի պաշտոնյաները տվել են անհրաժեշտ ցուցումներ՝ նման միջադեպերը կանխելու համար։
Հակամարտության կողմերից ոչ մեկը զոհերի մասին չի հայտնել։ Աֆղանական Ariana News-ը նշում է, որ Իրանի կառավարությունը լավ հարաբերություններ է պահպանում թալիբների հետ, սակայն լարվածությունը պահպանվում է սահմանային գոտում, որտեղ հատվում են մաքսանենգների և փախստականների ուղիները։
Աֆղանստանի ԱԳՆ-ն այսօր հայտնել է, որ հակամարտությունն իրանա-աֆղանական սահմանին «ավարտվել է սահմանապահների ջանքերի շնորհիվ, և ջանքեր կգործադրվեն նման միջադեպերը կանխելու համար»։
Դեկտեմբերի 1-ի երեկոյան իրանա-աֆղանական սահմանին՝ Նիմրոզ գավառում, մարտեր են տեղի ունեցել իրանցի սահմանապահների և թալիբների միջև՝ ծանր զինատեսակների կիրառմամբ։ Հատկապես ինտենսիվ բախումներ են տեղի ունեցել Կանգ գավառում։
Տաթև Ֆռանգյան
