11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Լուկաշենկոն հայտարարել է, որ Բելառուսը անմասն չի մնա Դոնբասում պատերազմի դեպքում
Քաղաքականություն
29.11.2021 | 15:51
Բելառուսի ղեկավար Ալեքսանդր Լուկաշենկոն հայտարարել է, որ Բելառուսը անմասն չի մնա, եթե Արևմուտքը «պատերազմ սանձազերծի» Դոնբասում կամ Ռուսաստանի հետ սահմանին։ Այս մասին հայտնում է «Ինտերֆաքսը»՝ հղում անելով Լուկաշենկոյի մամուլի ծառայությանը։
«Նրանք դա լավ հասկանում են․ եթե կրկին պատերազմ սկսեն Դոնբասում կամ Ռուսաստանի հետ սահմանին որևէ տեղ, Բելառուսն անմասն չի մնա։ Եվ պարզ է, թե ում կողմից կլինի Բելառուսը։ Նրանք դա լավ հասկանում են, ուստի սկսել են ամրացնել իրենց հյուսիսային՝ բելառուսա-ուկրաինական սահմանը։ Թեև սրա համար փաստեր չկան, այսօր էլ պատճառներ չկան։ Բացարձակ լռություն է, նույնիսկ ավելի հանգիստ է, քան նախկինում էր»,- ասել է Լուկաշենկոն Պաշտպանության նախարարության ռազմավարական վարչության կենտրոնում ռազմական անվտանգության հարցերով հանդիպման ժամանակ։
Նրա խոսքով՝ ինքը տեղեկություն չունի Ուկրաինայի վրա ՌԴ-ի կողմից ծրագրվող հարձակման մասին։
Տաթև Ֆռանգյան
