28.10.2026 | 18:10
Արարատ Միրզոյանը՝ վիզաների ազատականացման ժամկետի մասին // 46 զոհ Իսպանիայում գնացքների վթարից․ ԼՈՒՐԵՐ
Ադրբեջանցիները մաքսակետի մոտ բենզալցակայա՞ն են կառուցել. Որոտանի գյուղապետն ասում է՝ չեն գնում այդ հատված
Քաղաքականություն
26.11.2021 | 20:49
Տարբեր մեդիառեսուրսներով լուրեր ու տեսանյութեր են տարածվում այն մասին, որ ադրբեջանցիները Սյունիքի մարզի Գորիս-Կապան միջպետական ճանապարհին իրենց կողմից տեղադրված մաքսակետի մոտ նաև բենզալցակայան են կառուցել։ Լուրերի իսկությունը պարզելու նպատակով Factor.am-ը կապ հաստատեց Որոտանի գյուղապետ Սուրեն Օհանջանյանի հետ։
«Բայց ո՞վ է գնում այդ հատված, որ տեղյակ լինի՝ բենզալցակայան կառուցել են, թե՝ ոչ։ Ես չեմ գնում ու չեմ կարող որևէ մեկին ուղարկել, որ տեսնի՝ կա՞ նման բան, թե՞ ոչ, որովհետև վտանգավոր է»,- արձագանքեց գյուղապետը։
Հիշեցնենք, որ Ադրբեջանը ոստիկանական և մաքսային անցակետեր է տեղադրել Գորիս և Կապան քաղաքները կապող ճանապարհահատվածում։ Այստեղ մայրուղու մի մասը հայտնվել է Ադրբեջանի վերահսկողության տակ՝ Արցախյան 44-օրյա պատերազմից հետո։
Նոյեմբերի 10-ին հաղորդվել էր, որ ադրբեջանական կողմը Գորիս-Կապան ճանապարհահատվածում մաքսակետ է տեղադրելու։ Իսկ ավելի վաղ՝ սեպտեմբերի 12-ին, հայտնի դարձավ, որ Գորիս-Կապան միջպետական ճանապարհի Որոտան բնակավայրի մոտ ադրբեջանական կողմը ոստիկանական անցակետ է բացելու։
Մերի Մարտիրոսյան
