11.10.2026 | 11:03
Երևանում վիճաբանության ժամանակ հրազեն է գործի դրվել․ կա երեք վիրավոր
Թուրքական լիրայի անկումը պայմանավորված է Էրդողանի իսլամիստական տնտեսական հայացքներով․ նախկին ընդդիմադիր պատգամավոր
Քաղաքականություն
25.11.2021 | 23:31
Թուրքական լիրայի անկումը պայմանավորված է նախագահ Ռեջեփ Թայիփ Էրդողանի իսլամիստական տնտեսական հայացքներով։ Նման կարծիք է հայտնել Ժողովրդավարությունների պաշտպանության հիմնադրամի (FDD) Թուրքիայի ծրագրերի ավագ տնօրեն, Թուրքիայի խորհրդարանի նախկին ընդդիմադիր պատգամավոր Այքան Էրդեմիրը, գրում է Ահվալ գործակալությունը։
Լրատվամիջոցի հետ զրույցում Էրդեմիրը նշել է, որ լիրայի ազատ անկման պատճառը քաղաքական սխալներն են, որոնք սկսվել են դեռ ֆինանսների նախկին նախարար Բերաթ Ալբայրաքի օրոք, որը էրդողանի փեսան է։
Նախօրեին լիրան դոլարի նկատմամբ իջել էր մինչև 15 տոկոսով՝ հասնելով նոր ռեկորդային նվազագույնի։ Տարեսկզբից թուրքական արժույթը կորցրել է արժեքի գրեթե 45 տոկոսը դոլարի նկատմամբ, մինչդեռ գնաճը երկրում արագացել է՝ հասնելով գրեթե 20 տոկոսի։
Էրդեմիրը նշել է, որ Էրդողանը, որի տոկոսադրույքների իջեցման հրամանի պատճառով լիրան անկում է ապրում, դժվար թե դիմի Արժույթի միջազգային հիմնադրամին (ԱՄՀ)՝ Թուրքիան տնտեսական կոլապսից փրկելու համար։ Թուրքիայի նախագահը շարունակում է վարել իր անսովոր քաղաքականությունը՝ չնայած Արժույթի միջազգային հիմնադրամի զգուշացումներին։
Ըստ Էրդեմիրի՝ ԱՄՀ-ի հետ ցանկացած ծրագիր պահանջում է թափանցիկություն, հաշվետվողականություն ու օրենքի գերակայություն, որն Էրդողանը տարիներ շարունակ խաթարել է։
Էմմա Չոբանյան
