18.01.2026 | 15:30
Իլոն Մասկը հայց է ներկայացրել OpenAI-ի և Microsoft-ի դեմ՝ պահանջելով մինչև 134 միլիարդ դոլարի փոխհատուցում
Հայ-ադրբեջանական սահմանին փոխհրաձգություն է. ՊՆ
Քաղաքականություն
22.11.2021 | 19:03
Գեղարքունիքի մարզի Նորաբակ գյուղի մոտ, հայ-ադրբեջանական սահմանին փոխհրաձգություն է սկսվել։ Այս մասին Factor.am-ին հայտնեցին ՀՀ պաշտպանության նախարարությունից։
ՊՆ-ից տեղեկացրին նաև, որ այս պահին էլ փոխհրաձգությունը շարունակվում է՝ այլ մանրամասներ չհաղորդելով։
Հիշեցնենք, որ նոյեմբերի 16-ին ադրբեջանական ԶՈւ-ն լայնածավալ հարձակում էր գործել արևելյան սահմանագոտու ուղղությամբ՝ կիրառելով հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։ Հայկական կողմը դիմել էր համարժեք գործողությունների։
Հայկական կողմը, ըստ Պաշտպանության նախարարության հրապարակած վերջին տվյալների, ունի 6 զոհ, 13 գերեվարված, շուրջ 24 անհետ կորած զինվորներ։ Ըստ ՊՆ-ի՝ հակառակորդն ունի մինչև 70 զոհված և վիրավոր զինծառայող, ինչպես նաև զինտեխնիկայի զգալի կորուստներ, մասնավորապես՝ 4 БТР զրահափոխադրիչ, 1 Sandcat զրահամեքենա, 5 ավտոմոբիլային միջոց (Камаз, Урал, УАЗ)։ Շուրջ 6 ժամ տևած մարտական գործողությունները դադարեցվել էին ռուսական կողմի միջնորդությամբ։
Արփի Հակոբյան
