Թափանցիկ չաշխատելը դառնում է միտում, որը վտանգ է ներկայացնում․ Աշոտ Մելիքյան. ՏԵՍԱՆՅՈՒԹ

Եթե իշխանության ներկայացուցիչներ ներկա լինեին այս քննարկմանը, ամենևին չէին համաձայնի, որ իրենք փակ և ոչ թափանցիկ են աշխատում»,- կառավարության փակ աշխատանքին նվիրված «Ժողովուրդն է ամեն ինչ որոշում. մոռացված խոստում» թեմայով քննարկման ժամանակ այս մասին նշեց Խոսքի ազատության պաշտպանության կոմիտեի նախագահ Աշոտ Մելիքյանը:

Նրա խոսքով՝ իր շփումները իշխանության որոշ ներկայացուցիչների հետ ևս վկայում են, որ իրենք այդպես չեն կարծում:

«Այստեղ անհրաժեշտություն է գալիս օրինակներ բերել, փաստարկներ խնդրել, թե ինչու է այսպես: Մյուս կողմից, իշխանությունների ոչ թափանցիկ կամ հաշվետու չլինելը, հանրությանն ինֆորմացիայի պակաս տրամադրելը միակ պատճառը չէ, որ այսքան ապատեղեկատվություն է տարածվում: Բայց որ տեղեկատվության սովը կարող է պատճառ դառնալ և խթանել այդ պրոցեսը, դա միանշանակ է»:

«Մենք շատ լավ գիտենք, որ Բարձր տեխնոլոգիական արդյունաբերության նախարարությունը եւ ԱԱԾ-ն համատեղ՝ կառավարության որոշման մեջ համապատասխան փոփոխություններ իրականացնելու նախագիծ էին ներկայացրել, որով որոշվում էր այլեւս e-gov.am-ում չհրապարակել գործուղումների հետ կապված ծախսերը, քննարկվելիք հարցերը, որոշումները… Սա արդեն բոլոր սահմաններն անցնում է: Նույնիսկ պատերազմական իրավիճակը եւ շատ այլ հիմնավորումներ թույլ չեն տալիս այսքան փակ լինել: Հաշվետու չլինելը եւ թափանցիկ չաշխատելը արդեն կամաց-կամաց դառնում է այնպիսի միտում, որը վտանգ է ներկայացնում ինֆորմացիոն ոլորտի եւ հասարակության տեղեկացված լինելու առումով»,- ընդգծեց Մելիքյանը:

Մանրամասները՝ տեսանյութում: