22.04.2026 | 16:07
Մինչ այս պահը 3 կուսակցություն է ընտրություններին մասնակցելու փաստաթուղթ ներկայացրել. ԿԸՀ խոսնակ․ ՏԵՍԱՆՅՈՒԹ
Պատվաստումից առաջ խմել հակաալերգիկ դեղեր՝ անիմաստ է․ ԵՊԲՀ ալերգոլոգիայի և իմունոլոգիայի ամբիոնի վարիչ․ ՏԵՍԱՆՅՈՒԹ
Տեսանյութեր
19.11.2021 | 12:48
Լինում են դեպքեր, երբ պատվաստվել ցանկացող քաղաքացիներին բուժօգնության առաջին օղակում չեն խրախուսում դա անել, եթե ունեն ալերգիկ խնդիրներ: Այսօր հրավիրված ասուլիսում նշեց ալերգոլոգ-իմունոլոգ Սևան Իրիցյանը:
«Դժվարանում եմ ասել, թե ինչու է այդպես, որովհետև մի շարք միջոցառումներ են անցկացվել առաջին օղակի բժիշկների համար՝ հասկանալու, թե ինչպե՞ս տարբերակել, թե որ դեպքերում ինչի՞ց զգուշանալ և այլն:
Միգուցե դա պատասխանատվությունից խուսափելու ձև է: Կարող եմ ասել, որ մեր բուժառուների շրջանում կան շատերը, որոնք պատվաստվել են ու ալերգոլոգիական բարդություններ չենք ունեցել: Տեղային կարմրածություն կամ նման դրսևորումներ հաճախ են լինում ու դրանք բացարձակ խոչընդոտ չեն»,- ասաց Սևան Իրիցյանը՝ ընդգծելով, որ պատվաստվելուց առաջ հավելյալ հակաալերգիկ դեղամիջոցներ ընդունելու անհրաժեշտություն ևս չկա:
«Պատվաստվելուց առաջ հետազոտություններ անցնելու, արյունը նոսրացնող, ջերմիջացնող, հակաալերգիկ դեղամիջոցներ ընդունելու անհրաժեշտություն ևս չկա»,- ընդգծեց ԵՊԲՀ ալերգոլոգիայի և իմունոլոգիայի ամբիոնի վարիչ, Հերացի համալսարանական հիվանդանոցի ալերգոլոգիայի և իմունոլոգիայի կլինիկայի ղեկավար Արմինե Հակոբյանը:
Մասնագետները նշեցին, որ ամբողջ աշխարհում 7 մլրդ-ից ավելի մարդ գոնե առաջին դեղաչափ պատվաստվել է և հսկայական ինֆորմացիա է հավաքագրվում ռեակցիաների վերաբերյալ. ալերգաբանական ռեակցիաները բավական քիչ են:
Մանրամասները՝ տեսանյութում:
