14.09.2026 | 13:38
Հայաստանում այսօր բռնաբարվում է գույքային իրավունքը․ Լիլիթ Գալստյան․ ՏԵՍԱՆՅՈՒԹ
Իսրայելի վարչապետը 2013թ․ ի վեր առաջին անգամ հեռախոսազրուց է ունեցել Թուրքիայի նախագահի հետ
Քաղաքականություն
19.11.2021 | 12:44
Իսրայելի վարչապետ Նաֆթալի Բեննեթը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։ Այս մասին գրում է ՏԱՍՍ-ը՝ վկայակոչելով The Jerusalem Post-ին։
Նշվում է, որ սա 2013 թվականից ի վեր առաջին հեռախոսային խոսակցությունն Իսրայելի կառավարության ղեկավարի և Թուրքիայի առաջնորդի միջև։
Հաղորդվում է, որ Բեննեթը շնորհակալություն է հայտնել Էրդողանին իսրայելցի զույգին՝ Նատալի ու Մորդի Օկնինին ազատ արձակելու ջանքերի համար, որոնք նախորդ շաբաթ ձերբակալվել էին Ստամբուլում Թուրքիայի նախագահի նստավայրը լուսանկարելու համար։ Իսրայելի վարչապետը նաև դրական է գնահատել հումանիտար հարցերով թուրքական ու իսրայելական կողմերի համագործակցության մակարդակը՝ հավելելով, որ այն արդյունավետությամբ է աչքի ընկնում։
Նշենք, որ թուրքական դատարանը նոյեմբերի 12-ին իսրայելցի զույգին ձերբակալել էր Էրդողանի նստավայրը լուսանկարելու համար։ Ավելի վաղ էլ Բեննեթի գրասենյակը հայտարարել էր, որ Իսրայելի քաղաքացիներն ազատ են արձակվել թուրքական բանտից ու տուն վերադարձի ճանապարհին են։
Էմմա Չոբանյան
