30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Խոսքը զրոյական կետից աշխատանքներ սկսելու մասին է. Անդրանիկ Քոչարյանը` Մոսկվայից ստացած առաջարկի մասին․ ՏԵՍԱՆՅՈՒԹ
Քաղաքականություն
19.11.2021 | 11:09
ԱԺ ճեպազրույցների ժամանակ «Քաղաքացիական պայմանագիր» խմբակցության պատգամավորներն անդրադարձան Նիկոլ Փաշինյանի հայտարարությանը, որ Հայաստանը համաձայնություն է տալիս դելիմիտացիա ու դեմարկացիա սկսելու վերաբերյալ ռուսական կողմի առաջարկներին։ «Խոսքը գնում է զրոյական կետից սկսելու մասին։ Եվ Հայաստանի Հանրապետությունը տվել է իր համաձայնությունը՝ այդ աշխատանքների սկզբին մասնակցելու համար»,- ասաց պատգամավոր Անդրանիկ Քոչարյանը։
ՔՊ խմբակցության պատգամավոր Էդուարդ Աղաջանյանը նշեց․ «Այդ մասին նաև գրավոր ծանուցվել է Ռուսաստանի Դաշնությունը, խոսքը մեր կողմից համաձայնության մասին է։ Եվ այն պահին, երբ որոշակի տեխնիկական հարցերի վերաբերյալ ձեռք կբերվի համաձաւյնություն, ՀՀ-ն պատրաստ է սկսել հանձնաժողովի ձևավորման գործընթացը, և կանցնենք բուն աշխատանքներին»։
Ըստ Աղաջանյանի՝ վարչապետը բազմիցս հայտարարել է, որ ՀՀ-ն շահագրգռված է այս գործընթացն սկսելու հարցում: «Վարչապետը ինչպես հայտարարել է, Հայաստանն ընդունել է այդ առաջարկը, այդ մասին գրավոր ծանուցել է ռուսական կողմին։ ՀՀ-ն պատրաստ է և շահագրգռված է այս գործընթացն օր առաջ սկսել։ Բովանդակության մասին այս պահին վաղ է խոսել, մենք խոսում ենք նախապատրաստական աշխատանքների սկզբի մասին»,- նշեց Աղաջանյանը։
Մանրամասները՝ տեսանյութում:
