17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Միխայիլ Սաակաշվիլին ընկել է․ նրան պատգարակով տարել են
Քաղաքականություն
18.11.2021 | 19:30
Վրաստանի նախկին նախագահ Միխայիլ Սաակաշվիլին իր փաստաբանների հետ հանդիպումից հետո վայր է ընկել, և բանտային հիվանդանոցի աշխատակիցները նրան պատգարակով տարել են։ Այս մասին լրագրողներին հայտնել է նրա փաստաբաններից Բեքա Բասիլայան։
Սաակաշվիլին հացադուլ է հայտարարել հոկտեմբերի 1-ին՝ ձերբակալության օրը։ Նոյեմբերի 8-ից նա գտնվում է Թբիլիսիի Գլդանիի թիվ 18 բանտի հիվանդանոցում։
«Մենք ավարտեցինք մեր հանդիպումը Միշայի հետ։ Երբ նա դուրս էր գալիս սենյակից, սայթաքեց և ընկավ: Հետո պատգարակ էր անհրաժեշտ… Ընկնելուց հետո ես ոչ մի բառ չլսեցի Միշայից»,- պատմել է Բասիլայան:
Լրագրողների հարցին՝ արդյո՞ք Սաակաշվիլին կորցրել է գիտակցությունը, փաստաբանն ասել է, որ դեպքից հետո Վրաստանի նախկին նախագահն աչքերը չի բացել։
«Սպուտնիկ»-ի վրացական ծառայությունը նշում է, որ նախկին նախագահի առողջական վիճակի մասին դեռ պաշտոնական տեղեկություն չկա։
Տաթև Ֆռանգյան
