18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Նիկոլ Փաշինյանը Էդմոն Մարուքյանի երեկվա հոդվածից հետո դեռևս նրա հետ չի զրուցել
Քաղաքականություն
04.04.2018 | 16:50
«Վանաձորի քայլարշավն ավարտել ենք, այժմ շարժվում ենք դեպի Դիլիջան»,- Factor.am-ի հետ զրույցում ասաց ՔՊ անդամ Արայիկ Հարությունյանը․ «Այսօր չենք հասնի Դիլիջան, Վանաձորից մի փոքր առաջ ենք գնալու և այդտեղ կլինի կանգառը»։
Արայիկ Հարությունյանը նշեց,ամեն ինչ անում են, որպեսզի ապրիլի 13-ին Ազատության հրապարակը բազմամարդ լինի․ «Այս 14 օրվա բարդ ճամփորդությունը միտված է հենց դրան, որպեսզի մշտական գործողության պայմաններում, մարդկանց հիշեցնենք խնդրի մասին, և նրանք էլ իրենց եզրահանգումներն անեն առաջիկա պատմական զարգացման հետ կապված։ Քաղաքացիները պետք է որոշեն` արդյոք ցանկանում են մնալ ՀՀԿ-ի իշխանության, Սերժ Սարգսյանի երրորդ ժամկետով իշխանության ներքո, թե պատրաստ են ոչ ասել Հայաստանի ադրբեջանացմանը»։
Վանաձորից դուրս գալիս, Նիկոլ Փաշինյանն «Ազատության» հետ զրույցում ողջունեց «Լուսավոր Հայաստան» և «Հանրապետություն» կուսակցության Վանաձորի իր գործընկներին՝ շնորհակալություն հայտնելով նրանց աջակցության համար․ ««Ելք» դաշինքում երբեք համաձայնության գաղջ մթնոլորտ չի եղել, և մենք մշտապես այս ընթացքում՝ հենց առաջին օրվանից, շատ սուր բանավեճեր ենք ունեցել, և այդ բանավեճերը որևէ ձևով չեն նվազեցնում իմ հարգանքը մեր գործընկների նկատմամբ»։
Փաշինյանը նաև ընդգծեց՝ տարաձայնություններ կան, բայց դիրքորոշումները կառուցողական են։ Նա նաև տեղեկացրեց, որ Էդմոն Մարուքյանի երեկվա հոդվածից հետո դեռևս նրա հետ չի զրուցել։
