22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Կորցրինք Ճակատենի ճանապարհը, և 4 գյուղ մնաց շրջափակման մեջ. Վահե Հակոբյան․ ՏԵՍԱՆՅՈՒԹ
Քաղաքականություն
16.11.2021 | 11:36
Պատերազմում կրած մեր պարտությունը շարունակական բնույթ է կրում, ամեն օր նոր խնդիրներ ենք ունենում, կորցրինք նաև Գորիս–Կապան և Կապան – Ճակատեն ճանապարհը։ ԱԺ «Հայաստան» խմբակցության մամուլի ասուլիսի ժամանակ հայտարարեց Սյունիքի նախկին մարզպետ, «Հայաստան» խմբակցության պատգամավոր Վահե Հակոբյանը։
«Ունենք այլընտրանքային ճանապարհ` H-46-ը, որը Տաթևով Գորիսը կապում է Կապանի հետ, սակայն այդ ճանապարհը խնդրահարույց է։ Այդ նախագիծն արվել է բազմաթիվ սխալներով` արդեն ունենք խոշոր խցանումներ, և դեռ ձյուն չի եկել, մառախուղ չկա»,- նշեց Հակոբյանը։
Նրա խոսքով` Ճակատեն տանող ճանապարհը կորցնելով` Սարաշեն, Ճակատեն, Շիկահող և Վերին հանդ գյուղերի 600 բնակիչները բարդ կացության մեջ են հայտնվել։ Եթե նախկինում 10 կիլոմետր էին հատում և Կապան հասնում, ապա հիմա Մեղրիով, Քաջարանով 150 կիլոմետր շրջանց կատարելով պետք է Կապան հասնեն։
Հակոբյանի դիտարկմամբ՝ անվտանգության հարցելը լուծելու փոխարեն կառավարությունը զբաղված է բեմադրություններով, պաշտպանության նախարար է փոխում։
«Ինչո՞ւ պաշտպանության նախարար Արշակ Կարապետյանին հեռացրին պաշտոնից, որ պատշաճ դիմադրությո՞ւն չէր իրականացնում, թե հակառակը։ Ինչո՞ւ հանրությունը չգիտի նախարարի` պաշտոնից ազատման պատճառների մասին, և ի՞նչ կապ ունի Սուրեն Պապիկյանը ՊՆ-ի հետ»,- նշեց Հակոբյանը՝ հավելելով, որ այս իշխանության օրոք կորուստները շարունակվելու են` ընդհուպ պետականության կորուստ։
Մանրամասները՝ տեսանյութում:
