08.08.2026 | 14:24
Ինչ արդյունքներ ունեն հայ շախմատիստները Եվրոպայի Մ20 առաջնությունում երկու խաղափուլից հետո
Բաքվում ուժեղ քամին ավերածություններ է առաջացրել. վիրավորներ կան․ ԼՈՒՍԱՆԿԱՐՆԵՐ
10.11.2021 | 23:41
Բաքվում ուժեղ քամին ավերածություններ է առաջացրել։ Ադրբեջանական լրատվամիջոցների հաղորդմամբ՝ քաղաքի տարբեր հատվածներում ուժեղ քամին բեռնատար մեքենաներ է շրջել, ավտովթարների պատճառ դարձել։ Բացի այդ, ուժգին քամին Բաքվի տարբեր թաղամասերում արմատախիլ է արել ծառեր՝ լուրջ վնասներ հասցնելով մեքենաներին։
Եղանակային վատ պայմանների պատճառով Ադրբեջանի պետական նավթային SOCAR ընկերությունը տարհանել է 70 աշխատակցի, անվտանգության միջոցառումներն ուժեղացվել են, բաց հարթակներում աշխատանքները դադարեցվել։
Տեղական լրատվամիջոցները նաև հաղորդում են, որ 7 մարդ տարբեր աստիճանի վնասվածքներ է ստացել։
«Բաքվի շտապօգնության կայանի տվյալներով՝ յոթ մարդ՝ երեք տղամարդ և չորս կին, ստացել են տարբեր աստիճանի մարմնական վնասվածքներ և հոսպիտալացվել են բուժհաստատություններում»,- հայտնել են Ադրբեջանի Ասռողջապահության նախարարությունից։
Էմմա Չոբանյան
