28.04.2026 | 19:18
Առաջիկա օրերին Գագիկ Ծառուկյանը կհնչեցնի վարչապետի մեր թեկնածուի անունը․ Իվետա Տոնոյան․ ՏԵՍԱՆՅՈՒԹ
Նոր վարկած. ռուս նախկին լրտես Սերգեյ Սկրիպալն ու նրա դուստրը հնարավոր է թունավորված լինեն հնդկաձավարից
Քաղաքականություն
02.04.2018 | 16:54
The Sun պարբերականի հաղորդմամբ՝ Սկրիպալների թունավորման գործում նոր վարկած է հայտնվել, ըստ որի՝ ռուս նախկին լրտես Սերգեյ Սկրիպալն ու նրա դուստրը կարող են թունավորված լինել Ռուսաստանից բերված հնդկաձավարի միջոցով. փոխանցում է ntv.ru-ն:
Ըստ պարբերականի՝ ռուս նախկին լրտեսը դստերը՝ Յուլիային, խնդրել էր իր հետ Մոսկվայից հնդկաձավար, դափնու տերև և որոշ համեմունքներ բերել: Յուլյան մոռացել էր հոր խնդրանքի մասին ու Մոսկվայից Լոնդոն մեկնող իր ընկերուհուն խնդրել էր գնել այն:
Ենթադրվում է, որ խորհրդային արտադրության «Նովիչոկ» նյարդապարալիտիկ նյութը գտնվել է հենց այդ տուփում:
Հիշեցնենք, որ մարտի 5-ին Սոլսբերի քաղաքի ոստիկանությունը հաղորդել էր, որ քաղաքի առևտրի կենտրոններից մեկում անհայտ ծագման վտանգավոր նյութից անգիտակից վիճակում հիվանդանոց է տեղափոխվել երկու անձ։ Հետագայում պարզվել է, որ խոսքը Սկրիպալի և նրա դստեր մասին է:
Նշենք նաև, որ Սկրիպալը Ռուսաստանում 2006 թվականին դատապարտվել էր Մեծ Բրիտանիայի օգտին լրտեսելու համար, իսկ 2010 թվականին ապաստան էր ստացել Մեծ Բրիտանիայում. նրան փոխանակել են ԱՄՆ-ում ձերբակալված ռուս գործակալների հետ:
