22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Ֆրանսիայում դանակով զինված անձը հարձակվել է ոստիկանների վրա․ կա վիրավոր
Քաղաքականություն
08.11.2021 | 14:13
Ֆրանսիայի հարավում՝ Կանն քաղաքում դանակով զինված տղամարդը հարձակվել է 3 ոստիկանի վրա։ Նրանցից մեկը վիրավորվել է։ Ֆրանսիայի ներքին գործերի նախարար Ջերալդ Դարմանին հայտնել է, որ հանցագործը «չեզոքացվել» է։
«Պատրաստվում եմ մեկնել դեպք վայր։ Իմ աջակցությունն եմ հայտնում ազգային ոստիկանությանն ու Կաննին»,- հավելել է Դարմանին իր Twitter-յան գրառման մեջ։
Reuters-ը գրում է, որ այս ահաբեկչական հարձակումը գրանցվել է երկրում 2022 թվականին սպասվելիք նախագահական ընտրությունների նախաշեմին, երբ ընտրողներին ամենից շատ հուզում է հնացագործությունների ու ահաբեկչությունների թվի աճը։
BFM TV-ն, վկայակոչելով ոստիկանությունում իր աղբյուրներին, հայտնում է, որ հարձակվողը բացել է ոստիկանական բաժանմունքի դիմաց կայանված ոստիկանական մեքենայի դուռը և դանակով հարվածել ղեկին նստած ոստիկանին։ Այնուհետև նա փորձել է հարձակվել մեքենայում գտնվող երկրորդ ոստիկանի վրա, սակայն երրորդ ոստիկանը կրակել է՝ ծանր վիրավորելով հանցագործին:
Տաթև Ֆռանգյան
