11.10.2026 | 13:23
Հոկտեմբերի 13-16-ին Հայաստանի առանձին շրջաններում անձրև կտեղա
Մոսկվան դուրս է գալիս լոքդաունից․ ՌԴ որոշ շրջաններում երկարաձգել են ոչ աշխատանքային օրերը
Քաղաքականություն
08.11.2021 | 13:36
Մոսկվայում ավարտվել է կորոնավիրուսի դեպքերի աճի դեմ պայքարի նպատակով մայրաքաղաքի իշխանությունների կողմից հոկտեմբերի 28-ից նոյեմբերի 7-ը մտցված սահմանափակումները, գրում է BBC-ի ռուսական ծառայությունը։ Հոկտեմբերի 30-ից նոյեմբերի 7-ը ոչ աշխատանքային օրեր էին։
Մոսկվայի քաղաքապետ Սերգեյ Սոբյանինը զգուշացրել է, որ նոյեմբերի 8-ից Մոսկվայում կարգելափակվեն կորոնավիրուսի դեմ չպատվաստված 60 տարեկանից բարձր անձանց սոցիալական քարտերը։ Սա չի վերաբերվի վերջին վեց ամիսների ընթացքում COVID-ով հիվանդացածներին։
Այսօրվանից այցելուների համար բաց կլինեն մայրաքաղաքի թատրոններն ու թանգարանները՝ QR կոդերի, պաշտպանիչ դիմակների պարտադիր օգտագործմամբ և տարածքի 70 տոկոս զբաղվածությամբ։
Մինչդեռ Ռուսաստանի հինգ շրջանները, որտեղ նույնպես«արձակուրդ» էր հայտարարված, որոշել են երկարաձգել ոչ աշխատանքային օրերը ևս մեկ շաբաթով՝ մինչև նոյեմբերի 13-ը։ Դրանք են Նովգորոդի, Տոմսկի, Չելյաբինսկի շրջանները, Խաբարովսկի երկրամասը և Խանտի-Մանսիյսկի ինքնավար շրջանը։
Սեպտեմբերի վերջին Ռուսաստանում կորոնավիրուսի նոր դեպքերի և մահացության թվի հերթական աճն է գրանցվել։ Իշխանությունները դա պայմանավորում են պատվաստումների չափազանց ցածր ցուցանիշներով։
Տաթև Ֆռանգյան
