11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Լուկաշենկոն կարմիր գոտում դիմակը հանել է, որպեսզի հերքի նմանակի մասին լուրերը
Քաղաքականություն
06.11.2021 | 18:50
Բելառուսի նախագահ Ալեքսանդր Լուկաշենկոն հանել է պաշտպանիչ դիմակը Օրշի քաղաքի հիվանդանոցի կարմիր գոտում հիվանդի հետ զրույցի ժամանակ, փոխանցում է «ՌԻԱ Նովոստի»-ն։
Լուկաշենկոն պարզաբանել է, որ ցանկացել է հանրությանն ապացուցել, որ անձամբ է այցելում հիվանդանոց։
Բելառուսի առողջապահության նախարարությունը սեպտեմբերի 20-ին հայտարարել է երկրում կորոնավիրուսի չորրորդ ալիքի մասին: Հոկտեմբերի սկզբին այնտեղ մտցրել են դիմակների պարտադիր կրումը և հասարակական վայրերում սոցիալական հեռավորության պահպանումը։ Սակայն համաճարակաբանական իրավիճակի հետ կապված խորհրդակցությանը Լուկաշենկոն դեմ է արտահայտվել հարկադիր պատվաստումներին, դիմակ չկրելու համար տուգանքներին, ինչպես նաև պահանջել է չչեղարկել պլանային բժշկական օգնության մատուցումը։ Նրա խոսքով՝ վարակի տարածման դեմ պետք է պայքարել քաղաքացիների անձնական պատասխանատվության բարձրացմամբ։
