16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Բայդենը Թուրքիային և Ադրբեջանին չի հրավիրել ժողովրդավարության գագաթնաժողովին․ Հայաստանը հրավիրյալ երկրների շարքում է
Քաղաքականություն
05.11.2021 | 14:18
Թուրքիան և Ադրբեջանը չեն հրավիրվել ԱՄՆ նախագահ Ջո Բայդենի ժողովրդավարության գագաթնաժողովին։ Այս մասին գրում է Politico-ն։
Աղբյուրի փոխանցմամբ՝ նախագահ Բայդենի ժողովրդավարության գագաթնաժողովին մնացել է մի քանի շաբաթ։ Բայդենի օգնականները դեռևս ձևավորում են դեկտեմբերի 9-10-ը նախանշված առցանց գագաթնաժողովի օրակարգը, նրանց աշխատանքի մեծ մասն էլ գաղտնի է պահվում։
Հրավիրված երկրների/կառավարությունների ցանկը դեռևս չի հրապարակվել, սակայն Politico-ին հաջողվել է որոշ մանրամասներ պարզել։ Ըստ ներկայացված ցուցակի՝ հրավիրյալ երկրների շարքում չկան Ադրբեջանն ու Թուրքիան, փոխարենը նշված են Հայաստանն ու Վրաստանը։ Ցուցակից բացակայում է նաև ՌԴ-ն։
«Որոշ երկրներ, ինչպիսիք են Թուրքիան և Հունգարիան, չեն հրավիրվել, քանի որ նրանց ղեկավարները տարիներ շարունակ խաթարում են իրենց ժողովրդավարական համակարգերը»,- ասվում է հրապարակման մեջ։
Էմմա Չոբանյան
