13.12.2024 | 21:43
Ադրբեջանում քննարկում են զինծառայության ժամկետը 1 տարի դարձնելու հարցը
Ինդոնեզիայում ջրհեղեղի հետևանքով զոհեր ու անհետ կորածներ կան
Քաղաքականություն
05.11.2021 | 13:31
Առնվազն հինգ մարդ է զոհվել Ինդոնեզիայի Արևելյան Ճավա նահանգում սեզոնային անձրևների հետևանքով առաջացած ջրհեղեղի հետևանքով։ Եվս չորսն անհետ կորել է, հայտնում է Associated Press-ը։
Ավելի վաղ հաղորդվում էր, որ առնվազն 11 մարդ անհետ կորել է սեզոնային ջրհեղեղների հետևանքով։ Տուժած շրջանի բնակիչներին օգնություն ցուցաբերելը դժվարանում է հոսանքազրկման և ճանապարհների խցանումների պատճառով: Աղետների կառավարման ազգային գործակալությունը հայտնել է, որ Արջունո լեռան լանջին գետերը դուրս են եկել ափերից, ցեխաջրերը հեղեղել են Կոտա Բատու շրջանի հինգ գյուղ:
Ըստ կանխատեսումների՝ հորդառատ անձրևները կշարունակվեն և մինչ փետրվար դրանց քանակը կավելանա։
Տեղական Antara գործակալությունը հայտնում է, որ տարերային աղետը ոչնչացրել է 21 տուն։
Տաթև Ֆռանգյան
