19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Արցախահայությունը չի կարող ապրել ադրբեջանական վերահսկողության ներքո․ ԱԳ փոխնախարար
04.11.2021 | 12:53
Արցախյան առաջին և երկրորդ պատերազմների ընթացքում տեղի ունեցածը հստակ ցույց է տալիս, որ ադրբեջանական վերահսկողության ներքո արցախահայությունը չի կարող ապրել։ Այս մասին այսօր ԱԺ հանձնաժողովներում 2022 թվականի պետբյուջեի նախագծի քննարկման ժամանակ ասաց ՀՀ ԱԳ փոխնախարար Վահե Գևորգյանը՝ պատասխանելով «Հայաստան» խմբակցության պատգամավոր Արմեն Ռուստամյանի հարցին։
«Այսինքն՝ քանի որ փաստացի գնում է բնաջնջման քաղաքականություն: Դրա լավագույն ապացույցն այսօր Ադրբեջանի վերահսկողության ներքո գտնվող տարածքներում հայերի իսպառ բացակայությունն է: Ձեր ասած սկզբունքն այդ փաստով հստակ հիմնավորում է ստանում: Եվ ես կարծում եմ, որ այդ մոտեցումը, որ արցախահայությանն Ադրբեջանի վերահսկողության ներքո սպառնում է ոչնչացում, այդ ճշմարտացի, հուսալի և վստահելի թեզը մենք առաջ ենք մղում թե՛ մեր դիսկուրսում, թե՛ բանակցությունների ընթացքում»,- նշեց փոխնախարարը:
