18.07.2026 | 19:00
Wildberries-ը 2 մլն ռուբլի կվճարի ԱԹՍ-ների հարձակման հետևանքով զոհվածների ընտանիքներին, կփոխհատուցի նաև վաճառողների վնասները
Հավատարիմ ենք մեր որոշմանը, որ բուհերի խորհուրդներում պաշտոնյաներ չեն լինելու. նախարար. ՏԵՍԱՆՅՈՒԹ
Քաղաքականություն
04.11.2021 | 12:37
Կառավարությունը միշտ ասել է, որ ցանկալի է, որ բուհերի հոգաբարձուների խորհրդում լինեն մարդիկ, որոնք նաև ֆինանսական լուրջ աջակցություն կարող են կատարել բուհի համար։ Լրագրողների հետ ճեպազրույցում նշեց ԿԳՄՍ նախարար Վահրամ Դումանյանը։
Դիտարկմանը, որ խոսվում է բուհերն ապաքաղաքականացված դարձնելու մասին, սակայն հոգաբարձուների խորհրդում կան պաշտոնյաներ, այդ թվում Սուրեն Պապիկյանը, Նաիրի Սարգսյանը, Վահրամ Դումանյանն արձագանքեց՝ պետք չէ զարմանալ։
«Մենք ներկայացրել էինք «Բարձրագույն կրթության և գիտության մասին» օրենքը և մնում ենք նույն սկզբունքներին, որ չպե
տք է լինեն քաղաքական դեմքեր, պաշտոններ զբաղեցնողներ։ ՍԴ-ն հակասահմանադրական ճանաչեց օրենքի որոշ դրույթներ։ Հիմա փոխել ենք և նոր տարբերակն ենք շրջանառում։ Եթե դա չեղավ, գործում ենք հին կարգով, գոյություն ունեցող գործիքակազմով։ Այսօրվա գործող օրենքների շրջանակում է անել ամեն ինչ՝ 100 տոկոս պահպանելով բոլոր տեսակի պահանջները։ Թե ինչու են այնտեղ այդ պաշտոնյաները, այդպես ենք հարմար գտել»,- նշեց Դումանյանը:
Հարցին՝ Սուրեն Պապիկյանն ի՞նչ պետք է անի ԵՊՀ-ում, Վահրամ Դումանյանն ասաց. «Կապրենք, կտեսնենք. ամեն ինչ»:
Մանրամասերը՝ տեսանյութում:
