11.10.2026 | 14:46
Այսօր աղջիկ երեխաների միջազգային օրն է
Իրկուտսկում կործանված Ան-12 ինքնաթիռում 9 մարդ է եղել
Քաղաքականություն
04.11.2021 | 12:47
Չորեքշաբթի Իրկուտսկի մարզում կործանված Ան-12 ինքնաթիռում 9 մարդ է եղել։ Այս մասին ՌԴ Արտակարգ իրավիճակների վերացման հանձնաժողովի նիստում հայտարարել է տարածաշրջանում ԱԻՆ ղեկավարի առաջին տեղակալ Անդրեյ Ռյաբովոլովը, գրում է ՏԱՍՍ-ը։
«Հստակեցված տվյալների համաձայն, որոնք ստացվել են «Գրոդնո» ավիաընկերությունից, ինքնաթիռում եղել է 9 մարդ, այդ թվում՝ անձնակազմի 5 անդամ, ինչպես նաև ուղեկցող բեռ»,- հայտնել է նա։
Ռյաբովոլովը հավելել է, որ հայտնաբերվել և փորձաքննության է հանձնվել 6 հոգու աճյուն։ Նա նշել է, որ 9 անձից 4-ը Ռուսաստանի քաղաքացիներ են, երեքը՝ Բելառուսի, երկուսը՝ Ուկրաինայի։
Հիշեցնենք, որ երեկ երեկոյան Յակուտսկից Իրկուտսկ թռիչքի ընթացքում՝ վայրէջքի ժամանակ ռադարներից անհետացել էր Ան-12 ինքնաթիռը։ Վերջին կապի ժամանակ անձնակազմը զեկուցել է երկրորդ շրջան կատարելու անհրաժեշտության մասին: Ընկնելուց հետո ինքնաթիռը բռնկվել է։
Տաթև Ֆռանգյան
