09.06.2026 | 00:17
Մարկո Ռուբիոն շնորհավորել է Փաշինյանին
ՏԿԵ-ում քննարկվել են Հայաստանի էլեկտրաէներգետիկական մեծածախ շուկայի ազատականացմանը վերաբերող հարցեր
Տնտեսություն
03.11.2021 | 18:18
Այսօր Հայաստանի էլեկտրաէներգետիկական մեծածախ շուկայի ազատականացմանը նվիրված խորհրդակցություն եմ անցկացրել ՏԿԵ նախարարության, Հանրային ծառայությունները կարգավորող հանձնաժողովի, Հայաստանի էներգահամակարգի պետական բաժնեմասով ընկերությունների և ՀՀ-ում ԱՄՆ ՄԶԳ ներկայացուցիչների մասնակցությամբ․ ֆեյսբուքյան գրառմամբ տեղեկացնում է ՏԿԵ նախարար Գնել Սանոսյանը։
«Խորհրդակցության ընթացքում քննարկվել է Հայաստանի էլեկտրաէներգետիկական մեծածախ շուկայի ազատականացման գործընթացի, շուկայում էլեկտրոնային առևտրի կազմակերպման փորձարկման և տեղայնացման փուլում գտնվող ծրագրի հետ կապված խնդիրները։ Լսվել են մասնակիցների կարծիքներն ու առաջարկությունները։
2022թ․ փետրվարի 1-ից Էլեկտրաէներգետիկական շուկայի գործարկմանն ընդառաջ ընդգծել եմ գործընթացի պատշաճ կազմակերպման կարևորությունը, էներգահամակարգի հուսալիությունն ու կայնությունը ապահովելը՝ հաշվի առնելով նաև Շուկայի բոլոր մասնակիցների շահերը։
Գնահատելով մինչ այժմ կատարված աշխատանքները` հանձնարարել եմ այսուհետ ևս հետևողականորեն լուծել առաջացող բոլոր խնդիրները՝ շուկայի ազատականացման մեկնարկը հնարավորինս սահուն սկսելու համար։
Պայմանավորվածություն է ձեռք բերվել Շուկայի ազատականացման հետ կապված տարբեր ձևաչափերով ամենշաբաթյա մասնագիտական քննարկումներ անցկացնելու վերաբերյալ»,- գրել է Սանոսյանը։
