Հասարակություն
03.11.2021 | 17:03Անհետ կորած և զոհված զինծառայողների հարազատները հանդիպել են Երևանի փոխոստիկանապետին, ներկայացրել այսօրվա բողոքի ակցիայի պահանջները։ Լրագրողների հետ զրույցում այս մասին ասաց զոհված զինծառայողի հայր Գարիկ Մխիթարյանը։
«Երկար քննարկման արդյունքում ասել են՝ տեսնենք, թե երբ կարող ենք կապվել վարչապետի հետ, տեղեկացնել, որ իրենք էլ են աջակցում, որ ծնողների հետ հանդիպումը տեղի ունենա։ Մեկ ժամ կհամբերենք, կսպասենք պատասխանի, դրանից հետո գործողություններ կանենք: Եթե մեկ շաբաթվա կամ տասը օրվա ընթացքում հանդիպում չլինի, եթե մեզ պատասխան չտվեցին, թե այդ հանդիպումը որ օրն է լինելու, այդ ժամանակ ենք պատրաստվում գործողություններ անելու»,- ասաց նա։
Զոհված զինծառայողի հայրը նշեց նաև, որ եթե հստակ պատասան չլսեն, թե այդ հանդիպումը երբ է լինելու, չեն հեռանա կառավարության մոտից, պատրաստ են անգամ գիշերել այնտեղ. «Ծնողներ կան անգամ, որ պատրաստվում են նաև հացադուլի։ Մեզ կմիանան նաև այլ զինծառայողների հարազատներ»։
Մանրամասները՝ տեսանյութում:
