22.04.2026 | 22:45
Թուրք լրագրողի համար դատախազությունը պատիժ է պահանջում` հայ երիտասարդների հետ Ցեղասպանության հետ կապված զրույցի համար
Առուշ Առուշանյանը հրաժարվել է պատգամավորի մանդատից, նրա փոխարեն պատգամավոր կդառնա Թաթուլ Կրպեյանի դուստրը
Քաղաքականություն
03.11.2021 | 16:32
Հոկտեմբերի 17-ին կայացած ՏԻՄ ընտրություններում Գորիս խոշորացված համայնքում հաղթանակ տարած Առուշ Առուշանյանը հրաժարվել է ԱԺ պատգամավորի մանդատից։ Առուշանյանի ֆեյսբուքյան պաշտոնական էջում այսօր նրա անունից հաղորդագրություն է տարածվել, որում, մասնավորապես նշվել է. «Ընդգրկված լինելով «Հայաստան» դաշինքի ընտրական ցուցակում` այսօր մանդատից հրաժարվելու դիմում եմ ներկայացրել։ Նման որոշում եմ կայացրել այն պարզ պատճառով, որ ոչ միայն ինձ չեմ տեսնում օրենսդիրում, այլև ցանկանում եմ լինել ձեր կողքին, ձեզ հետ միասին շարունակել շենացնել մեր սիրելի Գորիս համայնքը, ուզում եմ ապրել ու արարել իմ հարազատ քաղաքում, ամբողջ ներուժս ներդնել՝ հանուն մեր համայնքի բարգավաճման ու իմ սիրելի գորիսեցիների բարօրության։ Այս փուլում իմ հիմնական առաքելությունը մեր սիրելի Գորիս համայնքի շարունակական զարգացումն ու առաջընթացն ապահովելն է»։
Առուշ Առուշանյանը հուլիսի 16-ից կալանքի տակ է։ Նա մեղադրվում է քվեարկության գաղտնիությունը խախտելը նախապատրաստելու, կազմակերպելու և օժանդակելու, ինչպես նաև պաշտոնեական դիրքը չարաշահելով՝ ընտրական իրավունքի իրականացմանը խոչընդոտելու համար:
Հիշեցնենք, որ մինչ այս «Հայաստան» խմբակցության պատգամավոր Դավիթ Սեդրակյանը մանդատը վայր էր դրել, իսկ դաշինքի ընտրական ցուցակում նրան հաջորդում է Առուշանյանը։ Այս պարագայում, երբ նա ևս հրաժարվում է օրենսդիր աշխատանքից, պատգամավորի մանդատը պետք է անցնի ցուցակի հաջորդ համարին։ Ըստ այդմ, Ազգային ժողով է գործուղվելու Ասպրամ Կրպեյանը, որը Թաթուլ Կրպեյանի դուստրն է։
Մերի Մարտիրոսյան
