17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ես և իմ թիմը պատասխանատվություն չենք կրում պարտության համար. Կարեն Անդրեասյան․ ՏԵՍԱՆՅՈՒԹ
Քաղաքականություն
03.11.2021 | 14:08
Արդարադատության նախարար Կարեն Անդրեասյանն այսօր լրագրողների հետ զրույցում տեղեկացրեց, որ դիմել է «Քաղաքացիական պայմանագիր» կուսակցության անդամ դառնալու համար:
Հարցին, թե ինչու է ուզում դառնալ ՔՊ անդամ, Անդրեասյանը պատասխանեց, որ կիսում է ՔՊ շատ անդամների մոտեցումները, արժեքները և կարծիքները: «Նաև կարծում եմ, որ եթե ես միացել եմ քաղաքական գործընթացի և պաշտոն եմ ստանձնել ու աշխատանք եմ իրկանացնում, շատ ավելի արդյունավետ կլինի, եթե ոչ թե կողքից գործես, այլ լինես թիմի մեջ և թիմի աջակցությունը ստանաս: Այլ հարց է, որ կուսակցականությունը բարդ պրոցես է, ես կուսակցական մեծ փորձ չունեմ, ընդամենը 3 ամիս եղել եմ «Համախմբում» կուսակցության անդամ, որը շատ կարճ կյանք ունեցավ: Հիմա նորից փորձում եմ քաղաքական պրոցեսների մաս լինել: Ես գնահատում եմ մարդկանց թիմին, նրանց արժեքները»,- նշեց Անդրեասյանը՝ հավելելով, որ պարտադրանք չի եղել:
Այս քաղաքական ուժին վերագրվում է Արցախը հանձնելու գործընթացը, դուք անդամակցելով այս կուսակցությանը՝ այդ պատասխանատվությունը կրո՞ւմ եք: Այս հարցին ի պատասխան՝ Անդրեասյանը նշեց, որ այդ պնդումը սուտ է. «Եթե ես այդ պնդմանը հավատայի, բնականաբար չէի անդամակցի: Ես գտնում եմ, որ եղել են ցավալի իրավիճակներ, և իմ թիմը փորձում է պատասխան տալ դրա համար և նույնիսկ չարածի համար: Եղել է պարտություն, և այդ պարտության համար պատասխանատվություն իմ թիմը չի կրում, կրում են բոլոր նրանք, ովքեր երկիրը թուլացրել են»:
Մանրամասները՝ տեսանյութում:
