23.08.2026 | 10:37
Ստեփանավանում վագոն-տնակ է այրվել. կա զոհ
Արամ Վարդևանյանը հերքում է լուրերը, թե Քոչարյանը կշտամբել է ՀՅԴ-ական պատգամավորներին․ ՏԵՍԱՆՅՈՒԹ
Քաղաքականություն
02.11.2021 | 18:12
Շրջանառվում են տեղեկություններ այն մասին, որ կառավարության հետ վերջին հարցուպատասխանը դուր չի եկել «Հայաստան» դաշինքի առաջնորդ Ռոբերտ Քոչարյանին և նա զայրացել է դաշինքի հատկապես դաշնակցական գործիչների վրա, որոնք չեն կարողացել հավուր պատշաճի հակադարձել իշխանությանը՝ մասնավորապես վարչապետին, խոսվում է նաև Արծվիկ Մինասյանի հարցի վերաբերյալ:
Factor.am-ի հետ զրույցում անդրադառնալով այս դիտարկմանը, «Հայաստան» խմբակցության պատգամավոր Արամ Վարդևանյանը հերքեց շրջանառվող լուրերը ՀՅԴ-ական գործիչներին կշտամբելու վերաբերյալ:
««Հայաստան» դաշինքը հանդես է եկել հայտարարությամբ, որտեղ արտահայտում է միասնական դիրքորոշում»,- նշեց Վարդևանյանը: -Նման երևույթների անհրաժեշտություն չի լինում… Մեր հայտարարությունը վերաբերում էր Նիկոլ Փաշինյանի հետ փակ ֆորմատով հանդիպմանը, որ պետք է լինի բացառապես նրա հրաժարականի պահանջով»:
Անդրադառնալով հարցին, թե ինչու հակադարձում չեղավ իշխանական պատգամավոր, ԱԺ փոխնախագահ Ռուբեն Ռուբինյանի արտահայտությանը, թե «խաշ է հասունանում», Վարդևանյանը նշեց. «Հակադարձում եղավ և իմ և գործընկերներիս կողմից այն մասին, որ անլրջացնում են մթնոլորտը: Ազգային ժողովը նման հումորների վայր չէ»:
Պատգամավորը վստահեցրեց, որ դաշինքում խնդիրներ չկան, բայց այն, որ պետք է ավելի արդյունավետ աշխատել, դրա վերաբերյալ կա ընդհանուր համաձայնություն:
Մանրամասները՝ տեսանյութում:
