Տնտեսություն
02.11.2021 | 12:522021 թվականի օգոստոսի 13-ի դրությամբ Հայաստանում գործում է 612 գազագեներատորային հակակարկտային կայանք, սակայն հայտնի չէ, թե դրանք ինչպես են ազդում կարկտաբեր ամպերի վրա։ Այսօր կայացած մամուլի ասուլիսի ժամանակ այս մասին նշեց ՀՀ շրջակա միջավայրի նախարարության «Հիդրոօդերևութաբանության և մոնիթերինգի կենտրոն» ՊՈԱԿ-ի տնօրենի պաշտոնակատար Լևոն Ազիզյանը:
«Հիդրոօդերևութաբանության և մոնիթերինգի կենտրոն» ՊՈԱԿ-ի տնօրենի տեղակալ Գագիկ Սուրենյանը հավելեց, որ գիտությանը հայտնի չէ, թե այդ կայանքներն ինչպես են ազդում կարկտաբեր ամպերի վրա։ Նա ընդգծեց, որ կարկտաբեր ամպերի ցրման դեմ դրանց կիրառումն այդքան էլ նպատակահարմար չէ:
Հաշվի առնելով իրենց ուսումնասիրությունները՝ կարկտաբեր ամպերի ցրման համար մասնագետներն այլ լուծումներ են առաջարկում՝ ապահովագրության համակարգից օգտվել, կարկտապաշտպան ցանցեր կիրառել և այլն։
Ազիզյանը շեշտեց, որ կարկտահարության դեմ պայքարի ակտիվ մեթոդներից է՝ օդանավայինը, հրթիռայինը, իսկ պասիվներից՝ ցանցապատումը, ապահովագրությունը։ Աշխարհի շատ երկրներում օգտագործվում են հենց պասիվ մեթոդները։
«Պետությունը, եթե ընդունի մեր առաջարկը, ապա պետք է ստեղծվի միջգերատեսչական աշխատանքային խումբ՝ այդ կայանքների հետագա ճակատագիրը որոշելու համար»,- նշեց Ազիզյանը:
Մանրամասները՝ տեսանյութում:
