29.03.2026 | 14:17
Հենրիխ Մխիթարյանի նախկին մարզիչը սրտի կանգ է ունեցել մարզման ժամանակ
Ամուլսարի բացման վրա եք հույսը դրել. Արթուր Խաչատրյանը՝ Քերոբյանին․ ՏԵՍԱՆՅՈՒԹ
Քաղաքականություն
02.11.2021 | 11:30
ԱԺ մշտական հանձնաժողովների համատեղ նիստերում քննարկում են 2022 թվականի պետական բյուջեի նախագիծը:
Ազգային ժողովի «Հայաստան» խմբակցության պատգամավոր Արթուր Խաչատրյանը Էկոնոմիկայի նախարար Վահան Քերոբյանից հետաքրքրվեց, թե ինչ հաշվարկի հիման վրա են կանխատեսել, որ 7 տոկոս տնտեսական աճ է լինելու։
«Այդ յոթ տոկոսը որտեղի՞ց է գալիս, ակնկալում եք, որ Ամուլսարը կշահագործվի, փող կգա՞, թե՞ ակնկալում եք, որ հայ-թուրքական սահմանի բացման արդյունքում տնտեսական աճ կլինի։ Եթե երկրորդն է, խնդրում եմ նշեք՝ Դուք հայ-թուրքական սահմանի բացման տնտեսական ազդեցության գնահատական արե՞լ եք, թե՞ ոչ»,- հարցրեց պատգամավորը։
Վահան Քերոբյանը պատասխանեց, 2022 թվականի պետական բյուջեի ու իրենց տնտեսական աճի կանխատեսումների մեջ հայ-թուրքական սահմանի բացումը, որպես կանխատեսում, ներառված չէ։
«Մենք չենք ակնկալում, որ այն ձևով, որով պաշտպանված կլինեն ՀՀ քաղաքացիների ու տնտեսության շահերը, կարողանանք հաջորդ տարի հայ-թուրքական սահմանը բացել։ Այդ կանխատեսումը չկա մեր բյուջեի նախագծում»,- նշեց նախարարը։
Կառավարության ծրագրով նախատեսվում ենք առաջիկա 5 տարվա մեջ ավելացնել ներդրումների չափաբաժինը մինչև ՀՆԱ-ի 25 %։ Ասել, որ մեր երկիրը կարողանում է սահուն կերպով կլանել բոլոր ներդրումային ծրագրերը, սխալ կլինի։ Մենք ունենք բազմաթիվ ծրագրեր, որոնք բախվում են բազմաթիվ խոչընդոտների։ Հետևաբար այստեղ շատ գործ ունենք անելու»։
Քերոբյանը նշեց, որ ամենակարևոր բաներից մեկը, որ պետք է բերի տնտեսական աճի, աննախադեպ ծավալի կապիտալ ծախսերն են։ «Կապիտալ ծախսերի թիվ Հայաստանի պատմության մեջ չի եղել։ Եթե բարեհաջող կերպով անենք, մեր տնտեսական աճը ավելի քան իրատեսական կլինի»,- նշեց նախարարը։
Ինչ վերաբերում է Ամուլսարին՝ Քերոբյանն ընդգծեց, որ եթե նույնիսկ այս պահին բոլոր հարցերը լուծվեն ու հանքը վերադառնա աշխատելու ռեժիմին, հանքը կսկսի աշխատել, լավագույն դեպքում, 12 ամիս հետո։ «Մենք հիմա սպասում ենք քրեական գործի հանգուցալուծմանը, որպեսզի տեսնենք, թե այդ քրեական գործով ինչ արդյունքներ են ի հայտ գալիս ու դրանից կախված է լինելու Ամուլսարի վերաբերյալ հետագա քննարկումները»,- նշեց նախարարը։
Մանրամասները՝ տեսանյութում:
