Հասարակություն
01.11.2021 | 13:50Սահմանապահ ծառայություն իրականացնող պայմանագրայինների աշխատավարձը նախատեսվում է բարձրացնել: Այս մասին Ազգային ժողովի պաշտպանության և անվտանգության հարցերի և ֆինանսավարկային ու բյուջետային հարցերի մշտական հանձնաժողովների համատեղ նիստում հայտարարեց ԱԱԾ պետի տեղակալ Արամ Հակոբյանը։
«Այդ հարցով զբաղվում ենք, տնօրենը հանձնարարություն էր տվել իրավիճակի բարելավման ուղղությամբ աշխատել, որովհետև բավականին ցածր է պայմանագրային զինծառայողների աշխատավարձը: Աշխատավարձի ցածր լինելու պատճառով պայմանագրային զինծառայողների թվաքանակը նվազել է, ազատվում են աշխատանքից, բայց աշախատավարձի բարձրացման հանձնարարությունը կա, պետք է շատ արագ արձագանքենք և բարձրացնելու հնարավորություն ստեղծենք. այժմ մոտ 160 հազար դրամ է կազմում, նախատեսվում է դարձնել մոտ 210-220 հազար դրամ»,- նշեց Հակոբյանը։
Մանրամասները՝ տեսանյութում:
