29.06.2026 | 21:58
Վրաստանն ու Ղազախստանը ռազմավարական գործընկերության մասին հռչակագիր են ստորագրել
Էրդողանը մանրամասներ է հայտնել Ջո Բայդենի հետ հանդիպումից
Քաղաքականություն
01.11.2021 | 13:31
Թուրքիայի նախագահ Ռեջեփ Թայիփ Էրդողանը պատմել է G20-ի (Մեծ քսանյակ) գագաթնաժողովի շրջանակում ԱՄՆ նախագահ Ջե Բայդենի հետ իր հանդիպման մասին, գրում է «Անադոլու» գործակալությունը։
Հռոմում G20-ի գագաթնաժողովին հաջորդած մամուլի ասուլիսում Էրդողանը նշել է, որ բանակցությունների ընթացքում թուրքական կողմն ափսոսանք է հայտնել Սիրիայում PKK/PYG «ահաբեկչական կազմակերպություններին» ԱՄՆ-ի աջակցության կապակցությամբ։ Էրդողանը հույս է հայտնել, որ ԱՄՆ-ն այսուհետ կհրաժարվի «ահաբեկչական կազմակերպություններին» զենք տրամադրելու պրակտիկայից։
Նա նաև նշել է, որ Բայդենի հետ հանդիպման օրակարգում ներառված է եղել Թուրքիայի զինանոցում առկա F-16 կործանիչների արդիականացման կամ Անկարային նոր ինքնաթիռների տրամադրման հարցը։ Էրդողանի խոսքով՝ Թուրքիայի և ԱՄՆ-ի ՊՆ ղեկավարները «հետևում են այդ գործընթացին»։
«Ես պարոն Բայդենի կողմից դրական մոտեցում տեսա այդ հարցի շուրջ»,- ասել է Էրդողանը։
Թուրքիայի նախագահը նաև խոսել է ԵՄ-ի կողմից սեփական զինված ուժերի ստեղծման պլանների մասին։
«Իրական ծրագիր չէ, դա անհնար է»,- ասել է Էրդողանը։
Էմմա Չոբանյան
