18.01.2026 | 11:31
Վթարային ջրանջատում Վայոց Ձորի մարզում
Ուկրաինան և Թուրքիան բանակցություններ են վարում «Բայրաքթար» անօդաչուների արտադրության շուրջ
Քաղաքականություն
01.11.2021 | 13:49
Կիևն ու Անկարան բանակցություններ են վարում՝ Ուկրաինայում արտադրական օբյեկտներ ստեղծելու և «Բայրաքթար» անօդաչու թռչող սարքերի արտադրության շուրջ։ Այս մասին հայտարարել է Թուրքիայում Ուկրաինայի դեսպան Վասիլի Բոդնարը «Радіо Свобода»-ին տված հարցազրույցում, փոխանցում է Цензор.НЕТ-ը։
Ըստ դիվանագետի՝ խոսքը «զրոյից» ԱԹՍ-ների լայնածավալ արտադրության մասին է։ Դրանք կարող են կառուցվել Ուկրաինայի զինված ուժերի կարիքների, ինչպես նաև երրորդ երկրների շուկաներ մատակարարելու համար։
««Բայրաքթար»-ը շատ երկրներում է հետաքրքրություն առաջացրել, և արդեն կան նախնական պայմանագրեր որոշ եվրոպական երկրների հետ։ Ղրղզստանը, օրինակ, նույնպես գնում է դրանք։ Իսկ Թուրքիայում արտադրական հզորությունը, ինձ թվում է, բավականին ծանրաբեռնված է։ Հետևաբար, թուրքական կողմի շահերից էլ է բխում ամբողջական ցիկլի հավելյալ արտադրական հզորությունների ստեղծումը՝ նոր շուկաներ զարգացնելու, համատեղ փորձարկումներ անցկացնելու և հետագայում, հնարավոր է, օտարերկրյա որոշ գործընկերների վերապատրաստման համար՝ այս տեխնոլոգիային տիրապետելու և պաշտպանական ոլորտը համատեղ ձևավորելու համար»,- հայտարարել է Բոդնարը։
Տաթև Ֆռանգյան
