18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
«Բալասանյան» դաշինքը և ՔՊ-ն հուշագիր ստորագրեցին. Գյումրիի քաղաքապետ կդառնա Վարդգես Սամսոնյանը
Քաղաքականություն
30.10.2021 | 15:15
Գյումրու ՏԻՄ ընտրություններում 14 մանդատ ստացած «Բալասանյան դաշինք»-ի և «Քաղաքացիական պայմանագիր» կուսակցության միջև քիչ առաջ հուշագիր ստորագրվեց։
«Կողմերը, ելնելով 2021 թվականի հոկտեմբերի 17-ի Գյումրու ՏԻՄ ընտրությունների արդյունքներից և նպատակ ունենալով Գյումրիում ձևավորվել կայուն մեծամասանություն, ստորագրում են համաձայնության մասին հուշագիր, որի արդյունքում քաղաքապետի թեկնածու է առաջադրվում Վարդգես Սամսոնյանը՝ «Բալասանյան դաշինք»-ից, իսկ փոխքաղաքապետերն առաջադրվում են «Քաղաքացիական պայմանագիր» կուսակցության ներկայացմամբ։
Կողմերը պարտավորվում են իրականացնել համաձայնեցված կադրային քաղաքականություն՝ այսպիսով ստանձնելով համատեղ պատասխանատվություն քաղաքի կառավարման համար»,- գրված է հուշագրում։
Թե ովքեր կստանձեն փոխքաղաքապետերի պաշտոնը, այս մասին ՔՊ-ի ներկայացուցիչ Քնարիկ Հարությունյանը չբարձրաձայնեց։
Հուշագիրը ստորագրվեց «Բալասանյան դաշինք»-ի ավագանու նորընտիր անդամ Սոնա Առաքելյանի և ՔՊ-ի ավագանու անդամ Քնարիկ Հարությունյանի միջև։
Արմիկ Մովսիսյան
