17.12.2025 | 22:29
Երևանում և 9 մարզում էկեկտրաէներգիայի անջատումներ կլինեն
Էրդողանը հայտարարել է, թե թույլ չեն տա՝ որևէ գաղտնի դավադրություն խանգարի Թուրքիայի առաջընթացին
Քաղաքականություն
29.10.2021 | 20:20
Թուրքիան թույլ չի տա գաղտնի դավադրությունների իրականացումը, որոնք ուղղված են մեզ ճանապարհից շեղելուն և երկրի զարգացմանը խոչընդոտելուն։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Հանրապետության տոնի կապակցությամբ իր տեսաուղերձում, գրում է «Անադոլու» գործակալությունը։
Էրդողանը շնորհավորել է հայրենակիցներին Հանրապետության օրվա կապակցությամբ և նշել, որ Թուրքիայի ժողովուրդը շարունակում է երկրի զարգացմանն ուղղված ջանքերը։
«Մենք 2020 թվականն ավարտել են տնտեսության 1․8 տոկոս աճով, ոչ մի ոլորտում թուլություն չենք դրսևորել, այդ թվում՝ ահաբեկչության դեմ պայքարում, հանրային անվտանգության պաշտպանության, ներդրումների և անդրսահմանային գործողություններում»,- ասել է Էրդողանը։
Նա նաև խոսել է Արցախյան 44-օրյա պատերազմի և դրանում Թուրքիայի դերակատարման մասին։
«Ապստամբները պարտություն կրեցին Լիբիայում, իսկ մեր ադրբեջանցի եղբայրները վերադարձրին իրենց հողերը 30 տարվա «օկուպացիայից» հետո»,- հայտարարել է Թուրքիայի նախագահը՝ հավելելով․ «Մենք նաև խափանեցինք նրանց փորձերը, որոնք ցանկանում էին զրկել Թուրքիային և Հյուսիսային Կիպրոսի թուրքական հանրապետությանը Արևելյան Միջերկրականում էներգետիկ ռեսուրսներից»։
Չնայած երկրում առկա սոցիալական լարվածությանն ու վատթար իրավիճակին՝ Էրդողանն ասել է, որ Թուրքիան հաջողությունների է հասել տնտեսության, ներքին ու արտաքին քաղաքականության մեջ։
«Մենք շարունակում ենք զարգացնել նախորդ տարվա ինպուլսը՝ ամրապնդելով հաջողությունները բոլոր, առաջին հերթին՝ տնտեսության, արտադրության և արտահանման ոլորտներում:
Հանրապետության 100-ամյակին ընդառաջ՝ մենք թույլ չենք տա, որ որևէ ուժ, գաղտնի դավադրություն խանգարի Թուրքիային իր առաջընթացի ճանապարհին։ Մենք պայքարելու ենք Թուրքիայի համար՝ պահպանելով մեր միասնությունը, համերաշխությունն ու եղբայրությունը։ Դա մեր ամենամեծ երաշխիքն է և մեզ համար ուղեցույց է լինելու՝ ինչպես նախորդ տարիներին»,- հայտարարել է Թուրքիայի նախագահը։
Էմմա Չոբանյան
