Քաղաքականություն
29.10.2021 | 17:10Վարչապետ Նիկոլ Փաշինյանը նախկին իշխանություններին է մեղադրում ստեղծված իրավիճակի համար՝ շեշտելով, որ բանակցային գործընթացն այնպիսի իրավիճակի են հասցրել, որ այլ ելք չէր կարող լինել: Իշխանական պատգամավորներից շատերն էլ մեղադրում են Դաշնակցությանը՝ ասելով, որ հենց ՀՅԴ-ն է 20-կան թվականներին ստորագրել կապիտուլյացիոն փաստաթուղթ:
Factor.am-ի հետ զրույցում անդրադառնալով այս դիտարկումներին՝ «Հայաստան» խմբակցության պատգամավոր Գեղամ Մանուկյանը նշեց, որ Նիկոլ Փաշինյանն ինչքան էլ ասի նախկիններն են մեղավոր, մի բան հստակ է. «Նա 2018, 2019-ին, 2020-ին հպարտությամբ ջրի ճամփա էր սարքել ուղղաթիռով Արցախ մեկնելը, Շուշիի մոտ շուրջպար էր բռնում, մեծ-մեծ խոսում էր, միտինգ էր անում, գոռում էր, թե «Հայաստանը Արցախ է և վերջ»: Բա այդ ինչպե՞ս եղավ: Ինքը ստացել էր այդ ժառանգությունը, դժվարությամբ, բանակցային պրոցեսով և այլն, բայց ամեն դեպքում ստացել էր, այդ ժառանգությանը տեր կանգնելու հարց էր: Մարդը «սափորը» գցել – կոտրել է՝ Արցախը, անվտանգությունը, ինքնուրույնությունը կոտրել է, հիմա եկել, ասում է դուք էիք կոտրել-սոսինձով կպցրել, այդպես եղավ: Չկա որևէ տրամաբանություն»:
«Ինչ վերաբերում է Վիգեն Խաչատրյանի ցնդաբանությանը ՀՅԴ-ի մասին, ափսոս է իմ ժամանակը, որ արձագանքեմ»,- նշեց ՀՅԴ ներկայացուցիչը:
Մանրամասները՝ տեսանյութում:
