03.06.2026 | 14:10
«Ռեալը» ներկայացրել է նոր համազգեստը․ ՏԵՍԱՆՅՈՒԹ, ԼՈՒՍԱՆԿԱՐ
ՌԴ սահմանապահ զորքերի բեռնատարը գլորվել է ձորը․ մեկ զոհ և մեկ վիրավոր կա
29.10.2021 | 15:21
Այսօր կեսօրին ավտովթար է տեղի ունեցել Արարատի մարզի՝ Երևան-Երասխ-Մեղրի ավտոճանապարհի 80 կմ հատվածում՝ Տիգրանաշենի ոլորաններում։
Factor.am-ի հետ զրույցում Ոստիկանության հասարակայնության հետ կապի և լրատվության վարչության բաժնի պետ Զարզանդ Գաբրիելյանը տեղեկացրեց, որ վթարի է ենթարկվել ՌԴ սահմանապահ զորքերի բեռնատարը։
«Ժամը 12:00-ի սահմաններում ահազանգ ենք ստացել, որ անհայտ հանգամանքներում մեքենան դուրս է եկել ճանապարհի երթևեկելի հատվածից և մի քանի մետր գլորվելով՝ հայտնվել ձորում։ Ավտոմեքենայում գտնվողներից մեկը ստացված վնասվածքներից տեղում մահացել է, ևս մեկ հոգի տեղափոխվել է հիվանդանոց»,- նշեց Գաբրիելյանը։
Կատարվում է քննություն։
Ռոզա Վարդանյան
