18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
Ադրբեջանի Մեջլիսի նախագահն անընդունելի է համարում միջազգային կառուցների կողմից «Լեռնային Ղարաբաղ» արտահայտության օգտագործումը
Քաղաքականություն
29.10.2021 | 15:38
Ադրբեջանի Միլի Մեջլիսի նախագահ Սահիբա Գաֆարովան խորհրդարանի այսօրվա նիստում հայտարարել է, որ անընդունելի է «Լեռնային Ղարաբաղ» արտահայտության օգտագործումը միջազգային կառույցների կողմից, գրում են ադրբեջանական լրատվամիջոցները։
«Անընդունելի է, որ մի շարք միջազգային կազմակերպությունների ներկայացուցիչներ դեռ օգտագործում են «Լեռնային Ղարաբաղ» արտահայտությունը»,- ասել է Գաֆարովան՝ նշելով, որ այդ մասին խոսել է Հունաստանում անցկացրած բոլոր հանդիպումների ընթացքում։
«Կարծում եմ՝ մեր այցը Հունաստան շատ հաջողված էր։ Ես տեղեկացրի բոլոր պաշտոնյաներին 44-օրյա պատերազմում Ադրբեջանի հաղթանակի, ՄԱԿ-ի Անվտանգության խորհրդի 4 բանաձևերի՝ մեր երկրի կողմից կատարման մասին»,- ասել է Մեջլիսի խոսնակը։
Նշենք, որ Ադրբեջանի կարևորագույն նպատակներից մեկը միջազգային կառույցների օրակարգից «Լեռնային Ղարաբաղի հակամարտություն» արտահայտությունը շրջանառությունից հանելն է, որի ուղղությամբ ադրբեջանական կողմը լուրջ աշխատանքներ է տանում։
Էմմա Չոբանյան
