21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
Թուրքիայում հայ համայնքի ներկայացուցիչն առաջին անգամ իրավունք է ստացել վարչական շրջանի ղեկավար դառնալ
Քաղաքականություն
29.10.2021 | 14:30
Առաջին անգամ Թուրքիայում հայ համայնքի ներկայացուցիչը՝ իրավաբան Բերք Աջարը, իրավունք է ստացել քայմաքամ՝ վարչական շրջանի ղեկավար դառնալ։ Նա հաջողությամբ հանձնել է դրա համար անհրաժեշտ բոլոր քննությունները, գրում է Agos-ը։
Սպասվում է, որ առաջիկայում Աջարը կստանձնի պաշտոնը։
Նշվում է, որ Բերք Աջարը ծնվել է 1995 թվականին Ստամբուլում, սովորել է հայկական «Սահակյան-Նունյան» միջնակարգ դպրոցում ու «Ըշըք» լիցեյում։ 2020-ին նա ավարտել է Բիլգի համալսարանը, տիրապետում է նաև անգլերենին։
Աղբյուրը գրում է, որ Թուրքիայի Հանրապետության պատմության մեջ առաջին անգամ հայ համայնքի ներկայացուցիչը նման պաշտոն կզբաղեցնի։
Էմմա Չոբանյան
