16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Սպիտակ տունը չի հաստատում, սակայն ակնկալում է, որ Բայդենն ու Էրդողանը կհանդիպեն
29.10.2021 | 12:30
Սպասվում է, որ ԱՄՆ նախագահ Ջո Բայդենը Գլազգոյում կայանալիք կլիմայական գագաթնաժողովի շրջանակում հանդիպելու է Թուրքիայի նախագահ Ռեջեփ Թայիփ Էրդողանին։ Այս մասին հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը լրագրողների հետ զրույցում, տեղեկանում ենք Սպիտակ տան պաշտոնական կայքից։
«Ակնկալում եմ՝ նա կհանդիպի Թուրքիայի նախագահին Գլազգոյում։ Ես հաստատում չունեմ, բայց իրական ակնկալիք է»,- ասել է Սալիվանը՝ պատասխանելով Բայդենի ու Էրդողանի հնարավոր հանդիպման մասին հարցին։
Նշենք, որ ավելի վաղ Ջեյք Սալիվանը հեռախոսազրույց էր ունեցել Թուրքիայի նախագահի մամուլի խոսնակ, գլխավոր խորհրդական Իբրահիմ Քալընի հետ և քննարկել տարածաշրջանային ու երկկողմ հետաքրքրության հարցեր։
Հիշեցնենք, որ Թուրքիայի նախագահ Ռեջեփ Թայիփ Էրդողանն էլ օրերս հայտարարել էր, թե ԱՄՆ նախագահի հետ հանդիպելու է Գլազգոյում կլիմայական գագաթնաժողովի ընթացքում և քննարկելու է F-35 կործանիչների հարցը։
Էմմա Չոբանյան
