Քաղաքականություն
28.10.2021 | 20:50
Դոնբասի շրջանում կրկին «Բայրաքթար» անօդաչու թռչող սարք է նկատվել։ Այս մասին գրում է Lenta-ն՝ ներկայացնելով Flightradar24 առցանց թրեքերի տվյալները։
«Դոնբասի շրջանում ներկա պահին հերթական ուկրաինական Bayraktar TB2 անօդաչուն է կախված»,- ասվում է հաղորդագրության մեջ։
Հիշեցնենք՝ հոկտեմբերի 26-ին հայտնի դարձավ, որ Ուկրաինայի ԶՈՒ-ն առաջին անգամ ռազմական գործողություններում թուրքական «Բայրաքթար» անօդաչուն է կիրառել։ Համացանցում հայտնվել էին նաև դրոնի հարվածի կադրերը։
Դոնեցկի ինքնահռչակ հանրապետության ուժային կառույցներում «Ինտերֆաքս»-ի աղբյուրը նաև հայտնել էր, որ հարվածը եղել է ճշգրիտ։ Զինվորականների ու խաղաղ բնակչության շրջանում տուժածներ և զոհեր չեն եղել։ Քաղաքացիական օբյեկտները ևս չեն վնասվել։
Էմմա Չոբանյան
