21.12.2025 | 11:11
«Ինտերը», «Յուվենտուսը» և «Նապոլին» հետևում են Սպերցյանի խաղին․ գործակալ
Թուրքիան Սիրիայի հյուսիսում երկու ռազմական գործողության է պատրաստվում․ բանակը լիարժեք մարտական վիճակում է․ աղբյուր
Քաղաքականություն
28.10.2021 | 18:35
Թուրքական բանակը երկու գործողություն է ծրագրում Սիրիայում՝ Իդլիբ նահանգում և երկրի հյուսիս-արևելքում։ Այս մասին «ՌԻԱ Նովոստիին» հայտնել է սիրիական աղբյուրը։
Աղբյուրի փոխանցմամբ՝ առաջիկա ռազմական գործողության հետ կապված բանակը գտնվում է լիարժեք մարտական պատրաստության վիճակում։ Այդ կապակցությամբ զինված կազմավորումները մի քանի ուղղությունների են բաժանվել Իդլիբ նահանգում, ինչպես նաև Հալեպի նահանգի հյուսիսում գտնվող բնակավայրերում։
Սիրիայի հյուսիս-արևելքում դիմադրություն է ծրագրվում արաբա-քրդական բանակի դեմ, հավելել է աղբյուրը։
Ավելի վաղ հաղորդվել էր, որ Թուրքիան ուժեղացնում է իր ռազմական ներկայությունը Սիրիայում։ Սիրիական աղբյուրի տվյալներով՝ թուրքական մարտական ուժերը ժամանել են հյուսիսարևմտյան Հասակե նահանգի Ռաս ալ-Այն քաղաք։ Աղբյուրները պնդում են, որ տարբեր ռազմատեխնիկա, այդ թվում՝ զրահափոխադրիչներ են տեղակայվել տարածաշրջանում։
Ըստ գործակալության՝ թուրքերը համալրումներ են ուղարկել Անկարայի կողմից վերահսկվող սիրիական ընդդիմությանն աջակցելու համար, թուրք-սիրիաական սահմանի հատման ժամանակ գրանցվել են Թուրքիայի կողմից անօդաչու թռչող սարքերի ակտիվ թռիչքներ։ Սրա հետ մեկտեղ, սիրիական Ռաս ալ-Այն քաղաքն արդեն գտնվում է թուրքական կողմի վերահսկողության տակ։
Տաթև Ֆռանգյան
